| تبليغات | X |
|
دوغما اوجاغئم سان اذربایجان
|
نوروز گولی،قار چیچکی چئخاندا
اغ بولودلار کوینکلرین سئخاندا
بیزده ن ده بیر یاد ائلیه ن ساغ اولسون
دردلریمیز قوی دیکلسون داغ اولسون
بایرامیدی گئجه قوشی اوخوردی
اداخلی قئز بی جورابئن توخوردی
هرکس شالئن بیر باجادان سوخوردی
ای نه گوزه ل قایدادی شال ساللاماق
بی شالئنا بایراملئقی باغلاماق
شال ایسته دیم منده ائوده اغلادئم
بیر شال الوب تئز بئلیمه باغلادئم
غلام گیله قاشدئم شالی ساللادئم
فاطما خالا منه جوراب باغلادی
خان ننه می یادا سالوب اغلادی
بایرام اولوب قئزل پالچئق ازه للر
ناقئش ووروب اتاقلاری بزه للر
طاخچالاردا دوزمه لری دوزه للر
قئز-گلینین فندقچاسی ،حناسی
هوسلنه ر اناسی قایناناسی
باکی چچنئن سوزی،سووی،کاغذی
اینکلرین بولاماسی ،اغزی
چرشنبه نین گردکانی مویزی
قئزلار دئیه ر :اتئل-باتئل چرشنبه
اینا تکین بختیم اچئل چرشنبه
یومورتانی گویچک،گوللی بویاردئق
چاقئشدوروب سئنانلارئن سویاردئق
اویناماقدان بیرجه مگر دویاردئق
علی منه یاشئل اشئق وئره ردی
ایرضا منه نوروز گولی ده ره ردی
یاپراقی سوز اچان گوللر بیزده دیر
بیزده ن الهام الئر شیدا بولبوللر
نغمه یه جان وئره ن دیللر بیزده دیر
شاعیریم اینجه سوز اوستادی بیزیک
بویوک واقفلرین اولادی بیزیک
صنعت دونیاسنئن فرهادی بیزیک
داغلارا سس سالان اللر بیزده دیر
دره لرده ن اخان گوموش بولاغلار
گوگلره باش چکن دومانلی داغلار
سنبللی تارلالار چیچکلی باغلار
ال الوان گئینمیش چوللر بیزده دیر
عطیرلی باغلارئن سارماشئقییک
ائلین بزه ئیک یاراشئقییک
ائلده ن توره نمیشیک ائل عاشیقییک
اوجا بویلار نازیک بئللر بیزده دیر
انسان سئوه رهئچ روحسوز گوزه لی؟
شاعیرین اولماسا شعری غزلی
عاشیقین اولارمی سوزی مزه لی
سازی دیللندیره ن تئللر بیزده دیر
"واحدم "غصه ده ن غمده ن ازادم
خلقیمین دوستویام یادلارا یادم
بزه کلی اولکمه باخدئقجا شادم
یاشئل باش سونالی گووللر بیزیم دیر