اودلار کوز اوبوب

داغلارداریخئب بیتمه ده دیر صبرو قراری

گئتمیشدی باشئندان اوکئچن شان ووقاری

یوخدور نه کور اوغلی باغئرا الده قئلنجی

دیرچلده یئنه چنلی اولان بئللری باری

قان اغلئری ایللردی بو سولطان ساوالاندا

بابک دئیه سسلیر اتگینده قالالاری

چئخ لاپ قوجامان داغلارا اودیوردونا بیر باخ

اودلار کوز اولوب کوزده گئدیر سونمه یه ساری

قئر اتلا بوز اتدئردولانئر چوللری ارسیز

هاردا دلیلر؟یوخسا کسیلمیشدی قاطاری

دئوران ائله دونموش بو دومانلی چول ایچینده

ترس اخمادادئر ایندیده چایلارین اخاری

ایش بویله سه گوزلر اوماجاقدر ساوالاندان

سوسموشدو ندن اتمئری ایللردی داماری

ائللرده سالئب فئرتنا قوپدورماسا طوفان

گوزدن دوشی قالخئزسا باش اونداندا یوخاری

انجاق ساوالان بللیدی بونلارلا یئنیلمز

اختارسا تاپارایشلرین هر جوردی اشاری

اودیاغدئراجاقدئر یئنه الونده سهنده

ساغمانلاشاجاق باشداکی قان لارین اخاری

یاز گلمه ده داش باغرئنی گوللر یاراجاقدئر

"لی سان"یاغاجاق یوردووی انجاق او سوواری